گوادر کنٹانی سے کاروباری سرگرمیاں کل سے دوبارہ بحال، ضلعی انتظامیہ کا باضابطہ اعلان

ضلعی انتظامیہ گوادر نے کنٹانی کاروبار دوبارہ کھولنے کا باضابطہ اعلان کر دیا ہے انتظامیہ کے مطابق کاروباری سرگرمیاں کل بروز بدھ 3 جون 2026 سے باقاعدہ طور پر شروع کر دی جائیں گی اعلامیے میں کہا گیا ہے کہ “ڈے 15” کے تحت سیریل نمبر 4201 سے 4500 تک کی کشتیوں کو کاروباری سرگرمیوں کی اجازت دی گئی ہے، جس کے بعد متعلقہ ماہی گیر اور کاروباری افراد اپنی سرگرمیاں دوبارہ بحال کر سکیں گے ضلعی انتظامیہ کا کہنا ہے کہ اس اقدام کا مقصد مقامی سطح پر معاشی سرگرمیوں کو فروغ دینا، روزگار کے مواقع بڑھانا اور عوام کو درپیش مشکلات میں کمی لانا ہے ادھر عوامی و کاروباری حلقوں نے اس فیصلے کا خیر مقدم کرتے ہوئے امید ظاہر کی ہے کہ کنٹانی کاروبار کی بحالی سے نہ صرف مقامی تجارت میں بہتری آئے گی بلکہ روزگار کے نئے دروازے بھی کھلیں گے ذرائع کے مطابق بلوچستان میں ایرانی پیٹرول کی قیمتوں میں کمی اور ممکنہ طور پر قلت کے خاتمے سے بھی مجموعی معاشی صورتحال میں بہتری کی توقع کی جا رہی ہے ماہرین کا کہنا ہے کہ اگر یہ اقدامات تسلسل کے ساتھ جاری رہے تو گوادر سمیت ساحلی علاقوں میں معاشی سرگرمیوں میں نمایاں اضافہ ممکن ہے۔