بلوچستان میں دہشت گردوں کیلئے کوئی محفوظ پناہ گاہ نہیں رہے گی، وزیر اعلیٰ بلوچستان

کوئٹہ( ) وزیر اعلیٰ بلوچستان میر سرفراز بگٹی نے کوئٹہ میں چمن پھاٹک کے قریب ہونے والے دہشت گردی کے واقعے کی شدید مذمت کرتے ہوئے کہا ہے کہ فتنہ الہندوستان کے دہشت گرد معصوم شہریوں، خواتین اور بچوں کو نشانہ بنا کر اپنی درندگی کا ثبوت دے رہے ہیں۔

Browse Posts

پشتونخوا میپ اور این ڈی ایم کا مشترکہ جمہوری جدوجہد پر اتفاق

سردارزادہ فیصل خان جمالی عوامی خدمت اور ترقیاتی منصوبوں میں نمایاں کردار ادا کر رہے ہیں، میر مرزا خان مینگل

لاڑکانہ عدالت نے سابقہ ایس ایچ او کو دو برس قید کی سزا سنادی

اپنے بیان میں وزیر اعلیٰ بلوچستان میر سرفراز بگٹی نے کہا کہ چمن پھاٹک سے متصل دھماکے میں بے گناہ شہریوں کا خون بہانے والے دہشت گرد کسی رعایت کے مستحق نہیں۔ انہوں نے کہا کہ ریاست دشمن عناصر اور ان کے سہولت کاروں کو چن چن کر انجام تک پہنچایا جائے گا۔

وزیر اعلیٰ نے کہا کہ معصوم لوگوں پر حملے بزدلانہ کارروائیاں ہیں اور دشمن سن لے کہ بلوچستان میں دہشت گردوں کیلئے کوئی محفوظ پناہ گاہ باقی نہیں رہے گی۔ انہوں نے اس عزم کا اعادہ کیا کہ دہشت گردوں کے خلاف جنگ آخری دہشت گرد کے خاتمے تک جاری رہے گی۔

میر سرفراز بگٹی کا کہنا تھا کہ ریاست پوری طاقت کے ساتھ فتنہ الہندوستان اور اس کے سہولت کاروں کو کچل دے گی اور بلوچستان کے امن پر کوئی سمجھوتہ نہیں کیا جائے گا۔