ڈپٹی کمشنر لورالائی کیپٹن (ر) محمد حسیب شجاع کی زیر صدارت ضلع بھر کے بینک منیجرز کا ایک اہم اجلاس منعقد ہوا۔
اجلاس میں بینکاری نظام کو مزید مؤثر بنانے، عوام کو بہتر سہولیات کی فراہمی، اور مالیاتی شمولیت کو فروغ دینے کے حوالے سے مختلف امور پر تفصیلی تبادلہ خیال کیا گیا۔ ڈپٹی کمشنر نے ہدایت کی کہ بینک عوام کو درپیش مسائل کے فوری حل کو یقینی بنائیں اور سرکاری پالیسیوں کے مطابق شفاف اور بروقت خدمات فراہم کریں۔
انہوں نے اس بات پر بھی زور دیا کہ جدید بینکاری سہولیات کو عام کیا جائے تاکہ شہریوں کو آسانی اور سہولت میسر آ سکے۔ اجلاس میں باہمی تعاون کو مزید مضبوط بنانے کے عزم کا اظہار بھی کیا گیا۔