عوامی مسائل کا ترجیحی بنیادوں پر حل یقینی بنایا جائے گا ،ڈپٹی کمشنر لورالائی

لورالائی: ڈپٹی کمشنر لورالائی کیپٹن (ر) محمد حسیب شجاع سے قبائلی عمائدین اور شہریوں کے وفد نے ملاقات کی، جس میں علاقے کو درپیش مسائل پر تفصیلی تبادلہ خیال کیا گیا۔ اس موقع پر ایڈیشنل ڈپٹی کمشنر محمد اسماعیل مینگل اور اسسٹنٹ کمشنر میختر یحییٰ خان کاکڑ بھی موجود تھے۔

ڈپٹی کمشنر نے وفد کو یقین دہانی کراتے ہوئے کہا کہ عوامی مسائل کو ترجیحی بنیادوں پر حل کیا جائے گا اور ضلعی انتظامیہ اس سلسلے میں ہر ممکن اقدامات کرے گی۔ انہوں نے کہا کہ عوام کے ساتھ براہِ راست رابطہ اور ان کے مسائل کا بروقت حل ہی بہتر حکمرانی کی بنیاد ہے۔