عوام کو صحت کی سہولیات کی فراہمی اولین ترجیح ہے ،بخت کاکڑ

صوبائی وزیر صحت بخت محمد کاکڑ نے کہا ہے کہ حکومتِ بلوچستان عوام کو معیاری اور بروقت طبی سہولیات فراہم کرنے کے لیے پرعزم ہے، اور بلوچستان ہیلتھ کارڈ پروگرام اس سلسلے میں ایک انقلابی اقدام ثابت ہو رہا ہے وزیراعلیٰ بلوچستان میر سرفراز بگٹی کے وژن کے مطابق صوبے میں صحت کے نظام کو مضبوط اور مو¿ثر بنایا جا رہا ہے۔ اس پروگرام کے تحت اب تک 3 لاکھ 45 ہزار سے زائد مریضوں کے داخلے ریکارڈ کیے جا چکے ہیں، جبکہ ہزاروں افراد مختلف پیچیدہ بیماریوں کے علاج سے مستفید ہو رہے ہیں‘ےہ بات انہوں نے مختلف وفود سے بات چےت کرتے ہوئے کہی ‘انہوںنے کہاکہ بلوچستان ہیلتھ کارڈ کے ذریعے ڈائلیسس، کیموتھراپی، کارڈیک اور نیورو سرجریز سمیت زچگی کی سہولیات بھی مفت فراہم کی جا رہی ہیں، جس سے عوام کو بڑی مالی سہولت میسر آئی ہے۔انہوں نے مزید کہا کہ حکومت اس پروگرام کے دائرہ کار کو مزید وسعت دینے کے لیے اقدامات کر رہی ہے تاکہ زیادہ سے زیادہ افراد اس سہولت سے فائدہ اٹھا سکیں۔ ان کا کہنا تھا کہ یہ پروگرام نہ صرف عوام کو معیاری علاج فراہم کر رہا ہے بلکہ صوبے کے صحت کے نظام میں بہتری کی جانب ایک مضبوط قدم بھی ہے۔بخت محمد کاکڑ نے اس عزم کا اعادہ کیا کہ حکومت عوام کی صحت کو اولین ترجیح دیتے ہوئے اس پروگرام کو کامیابی سے جاری رکھے گی۔