ملک کے بیشتر علاقوں میں موسم گرم اور خشک رہنے کی پیشگوئی

اسلام آباد: محکمہ موسمیات نے آئندہ 12 گھنٹوں کے دوران ملک کے بیشتر علاقوں میں موسم کے گرم اور خشک رہنے کی پیشگوئی کی ہے، جبکہ دن کے اوقات میں درجہ حرارت میں مزید اضافے کا امکان ظاہر کیا گیا ہے۔

Browse Posts

بجٹ 2026-27؛ حکومت کی آئی ایم ایف کو ترقیاتی منصوبوں کیلیے 10 فیصد تک فنڈز مختص کرنیکی یقین دہانی

وزیراعظم سے یورپی تجارتی وفد کی اہم ملاقات؛ مختلف شعبوں میں سرمایہ کاری پر گفتگو

پاکستان ڈیجیٹل اتھارٹی کی منظوری کے بغیر اے آئی کے شعبے میں بھرتیوں پر پابندی عائد

محکمہ موسمیات کے مطابق صبح کے وقت ریکارڈ کیے گئے درجہ حرارت میں اسلام آباد 19، لاہور 28، کراچی 27، پشاور 20، کوئٹہ اور مظفرآباد 18، گلگت 12 اور مری 15 ڈگری سینٹی گریڈ شامل ہیں۔

ادارے کا کہنا ہے کہ آئندہ چند گھنٹوں کے دوران ملک کے بیشتر علاقوں میں بارش کا کوئی امکان نہیں، جس کے باعث مجموعی طور پر موسم خشک اور گرم رہے گا۔

دوسری جانب مقبوضہ جموں و کشمیر میں بھی موسم خشک رہنے کی پیشگوئی کی گئی ہے، جہاں سری نگر، اننت ناگ اور شوپیاں میں 13، جموں میں 27، لیہہ میں 6 جبکہ پلوامہ اور بارہ مولہ میں 14 ڈگری سینٹی گریڈ ریکارڈ کیا گیا۔

محکمہ موسمیات نے شہریوں کو ہدایت کی ہے کہ گرم موسم کے دوران احتیاطی تدابیر اختیار کریں، پانی کا زیادہ استعمال کریں اور دھوپ میں غیر ضروری باہر نکلنے سے گریز کریں۔