ڈھاڈر کے قریب مسلح ڈاکوؤں کی مینگل کوچ میں ڈکیتی، مسافر نقدی اور قیمتی اشیاء سے محروم

گزشتہ رات شہدادکوٹ، گڑھی خیرو سے کوئٹہ جانے والی مینگل کوچ کو ڈھاڈر کے مقام پر ڈاکوؤں نے اسلحے کے زور پر روک لیا، ڈاکو مسافروں سے لاکھوں روپے نقدی، موبائل فونز اور دیگر قیمتی سامان لوٹ کر باآسانی فرار ہو گئے۔ مسافروں کا کہنا ہے کہ واردات کے دوران پولیس کہیں نظر نہیں آئی۔ متاثرہ مسافروں نے وزیر اعلیٰ بلوچستان سرفراز بگٹی سے مطالبہ کیا ہے کہ وہ اس واقعے کا فوری نوٹس لیں اور شاہراہوں پر مسافروں کے جان و مال کے تحفظ کو یقینی بنائیں۔
شاہراہوں پر بڑھتے ہوئے ان واقعات کی روک تھام کے لیے پولیس گشت اور حفاظتی اقدامات مزید سخت کرنے کی ضرورت ہے تاکہ عوام بلا خوف و خطر سفر کر سکیں۔