گلگت بلتستان اور خیبر پختونخوا میں 5.3 شدت کا زلزلہ

گلگت بلتستان اور خیبر پختونخوا کے مختلف علاقوں میں زلزلے کے جھٹکے محسوس کیے گئے، جن کی شدت ریکٹر اسکیل پر 5.3 ریکارڈ کی گئی۔

محکمہ موسمیات کے مطابق زلزلے کے جھٹکے گلگت، اسکردو، پتن، بالاکوٹ اور گردونواح میں محسوس ہوئے، جس سے شہریوں میں خوف و ہراس پھیل گیا۔

زلزلے کی زیرِ زمین گہرائی 12 کلومیٹر ریکارڈ کی گئی جبکہ اس کا مرکز شمال مغربی کشمیر میں گلگت بلتستان سے تقریباً 84 کلومیٹر شمال مشرق میں واقع تھا۔

تاحال کسی جانی یا مالی نقصان کی اطلاع موصول نہیں ہوئی۔