مٹی کا تیل فی لیٹر 39 روپے 20 پیسے مہنگا، نوٹیفکیشن جاری

وفاقی حکومت نے پیٹرول اور ڈیزل پر پٹرولیم لیوی برقرار رکھنے کا فیصلہ کیا ہے، جبکہ مٹی کے تیل کی قیمت میں اضافہ کر دیا گیا ہے۔

مٹی کے تیل کی نئی قیمت 358 روپے 1 پیسہ فی لیٹر مقرر کی گئی ہے، جو پہلے سے 39 روپے 20 پیسے زیادہ ہے۔

پیٹرول پر فی لیٹر لیوی 105 روپے 37 پیسے اور ڈیزل پر 55 روپے 24 پیسے برقرار رکھی گئی ہے۔

وزارت توانائی کے مطابق حکومت 23 ارب روپے کی سبسڈی فراہم کرے گی، جو 14 مارچ سے 20 مارچ تک کی مدت کے لیے ہے۔ سبسڈی کے تحت:

پیٹرول پر فی لیٹر 49 روپے 63 پیسے

ڈیزل پر فی لیٹر 75 روپے 5 پیسے

یہ رقم آئل مارکیٹنگ کمپنیوں کو پرائس ڈیفرینشل کلیمز کی مد میں اوگرا کے ذریعے ادا کی جائے گی۔

مزید براں، کابینہ نے وزیراعظم کفایت شعاری فنڈ قائم کرنے کی منظوری دی، اور اقتصادی رابطہ کمیٹی نے 27 ارب 10 کروڑ روپے اس فنڈ میں منتقل کرنے کی منظوری دی۔ سبسڈی کی ادائیگی میں او ایم سیز سے موصول ہونے والے بلوں کی تصدیق اور آڈٹ کا عمل شامل ہوگا۔

مٹی کا تیل فی لیٹر 39 روپے 20 پیسے مہنگا، نوٹیفکیشن جاری