حج پروازوں کے ملتوی ہونے کی خبروں میں کوئی صداقت نہیں: وزارت مذہبی امور

اسلام آباد: وزارتِ مذہبی امور و بین المذاہب ہم آہنگی نے مشرقِ وسطیٰ میں موجودہ کشیدہ صورتحال کے باعث حج پروازوں کے شیڈول کی معطلی کی خبروں کو مسترد کردیا۔

وزارت کی جانب سے سوشل میڈیا پر جاری بیان میں کہا گیا ہے کہ حج پروازوں کی تاخیر کی خبریں غلط ہیں اور حج 2026 کے تمام انتظامات طے شدہ شیڈول کے مطابق جاری ہیں۔

بیان میں عوام سے اپیل کی گئی ہے کہ وہ غیر مصدقہ خبروں پر یقین نہ کریں، کیونکہ عازمین حج کے ویزوں کے اجرا اور دیگر ضروری انتظامات جاری ہیں۔

وزارت کے ترجمان کے مطابق حج پروازوں کا باضابطہ شیڈول عید الفطر کے بعد اعلان کیا جائے گا، اور عازمین کو مکہ و مدینہ میں رہائش، مکاتب اور دیگر انتظامات کی مکمل تفصیلات فراہم کی جائیں گی تاکہ وہ اپنی روانگی کی تیاری اطمینان کے ساتھ کر سکیں۔