بلوچستان اسمبلی: ضیاء اللہ لانگو نے رکنیت کا حلف اٹھا لیا، اپوزیشن کا احتجاجاً واک آؤٹ

کوئٹہ: بلوچستان اسمبلی کے اجلاس میں نومنتخب رکن اسمبلی ضیاء اللہ لانگو نے اپنی رکنیت کا حلف اٹھا لیا۔ اسپیکر بلوچستان اسمبلی عبدالخالق اچکزئی نے ان سے حلف لیا۔ حلف برداری کے بعد اسمبلی کے اراکین نے ضیاء اللہ لانگو کو مبارکباد پیش کی۔

دوسری جانب اپوزیشن ارکان نے ایوان میں اظہار خیال کی اجازت نہ ملنے پر احتجاج کرتے ہوئے واک آؤٹ کر دیا۔ اپوزیشن کا مؤقف تھا کہ انہیں مؤقف پیش کرنے کا موقع نہیں دیا گیا، جس کے خلاف بطور احتجاج ایوان سے باہر چلے گئے۔