راولپنڈی: گھر میں فائرنگ کرکے معروف خاتون صحافی اور اینکر پرسن کو قتل کردیا گیا

راولپنڈی کے علاقے اڈیالہ روڈ، گلشن آباد میں گھر کے اندر فائرنگ کے واقعے میں خاتون صحافی اور اینکر پرسن ربیعہ حسن جاں بحق ہوگئیں۔

پولیس ذرائع کے مطابق ربیعہ حسن نجی نیوز چینل سے وابستہ تھیں اور واقعے سے قبل رات کو انہوں نے اپنا آخری پروگرام بھی کیا تھا۔

پولیس نے مقتولہ کے شوہر کو بھی شاملِ تفتیش کرلیا ہے۔ حکام کے مطابق واقعے کے تمام پہلوؤں کا جائزہ لیا جا رہا ہے، جبکہ یہ بھی تحقیقات کی جا رہی ہیں کہ آیا خاتون کو مبینہ زیادتی کا نشانہ بنایا گیا تھا یا نہیں۔

واقعے کی مزید تفصیلات اور محرکات تاحال سامنے نہیں آسکے۔