گورنمنٹ ٹیچرز ایسوسی ایشن آئینی لورالائی ڈویژن کے انتخابات مکمل، سعید احمد ناصر ڈویژنل صدر منتخب

گورنمنٹ ٹیچرز ایسوسی ایشن آئینی لورالائی ڈویژن کے انتخابات مکمل، سعید احمد ناصر ڈویژنل صدر منتخب

لورالائی(میاں محمدعامربشیر آرائیں )گورنمنٹ ٹیچرز ایسوسی ایشن آئینی لورالائی ڈویژن کے ڈویژنل انتخابات مکمل ہوگئے، جس میں اتفاقِ رائے سے سعید احمد ناصر کو ڈویژنل صدر، جمعہ خان اتمانخیل کو جنرل سیکرٹری، عبدالرزاق ناصر کو چیئرمین اور ملک میرا جان ترین کو آرگنائزر منتخب کرلیا گیا، جبکہ دیگر عہدیداران پر مشتمل ڈویژنل کابینہ بھی تشکیل دے دی گئی۔ڈویژنل انتخابات صوبائی چیئرمین امیر محمد طوفان کی نگرانی میں منعقد ہوئے، جس میں تنظیمی امور اور اساتذہ کے حقوق کے حوالے سے نمائندگی کے لیے نئی قیادت کا انتخاب عمل میں لایا گیا۔اس موقع پر گورنمنٹ ٹیچرز ایسوسی ایشن آئینی لورالائی کی جانب سے نومنتخب ڈویژنل صدر سعید احمد ناصر، جنرل سیکرٹری جمعہ خان اتمانخیل، چیئرمین عبدالرزاق ناصر، آرگنائزر ملک میرا جان ترین اور دیگر کابینہ اراکین کو دلی مبارکباد پیش کی گئی۔
تنظیم کی جانب سے اس امید کا اظہار کیا گیا کہ نومنتخب ڈویژنل کابینہ اساتذہ برادری کے مسائل کے حل، ان کے جائز حقوق کے تحفظ، تعلیمی اداروں کی بہتری اور تنظیم کو مزید فعال و مضبوط بنانے کے لیے اپنا بھرپور کردار ادا کرے گی۔
گورنمنٹ ٹیچرز ایسوسی ایشن آئینی لورالائی نے نومنتخب کابینہ کے لیے نیک تمناؤں کا اظہار کرتے ہوئے امید ظاہر کی کہ نئی قیادت باہمی اتفاق، اتحاد اور مشاورت کے ذریعے اساتذہ کے اعتماد پر پورا اترے گی اور تعلیمی شعبے کی بہتری کے لیے مؤثر اقدامات کرے گی۔