اقوام متحدہ نے ایران جنگ ختم کرانے کیلئے پاکستان سے رابطے کی تصدیق کردی

نیویارک: اقوام متحدہ نے امریکا اور ایران کے درمیان جاری جنگ کے خاتمے اور مذاکراتی عمل کو آگے بڑھانے کی کوششوں کے سلسلے میں پاکستان سے رابطے کی تصدیق کردی۔

اقوام متحدہ کے سیکریٹری جنرل انتونیو گوتریس کے ترجمان اسٹیفن دوجارک کے مطابق اقوام متحدہ نے اس معاملے پر پاکستانی حکام سے رابطہ کیا ہے۔ اقوام متحدہ نے اس سے قبل بھی امریکا اور ایران کے درمیان مذاکرات اور جنگ بندی کی کوششوں کی حمایت کی ہے۔

اقوام متحدہ کے مطابق پاکستان نے اس سے قبل بھی امریکا اور ایران کے درمیان سفارتی کوششوں میں کردار ادا کیا ہے۔ جون میں پاکستان میں ہونے والے مذاکرات اور بعد میں طے پانے والے انتظامات میں بھی اسلام آباد کی میزبانی اور سفارتی کردار کا ذکر اقوام متحدہ کی جانب سے کیا گیا تھا۔

اقوام متحدہ کے ترجمان نے فریقین پر زور دیا ہے کہ تنازع کے حل کیلئے سفارت کاری اور مذاکرات کا راستہ اختیار کیا جائے۔ عالمی ادارے کے مطابق جنگ کے خاتمے اور پائیدار حل کیلئے بامعنی مذاکرات ضروری ہیں۔