بجلی مناسب قیمت پر صارفین تک پہنچانے کیلئے مربوط توانائی پلان منظور

اسلام آباد: بجلی کی فراہمی کو بہتر بنانے اور صارفین کو مناسب قیمت پر بجلی فراہم کرنے کے لیے مربوط توانائی پلان کی منظوری دے دی گئی۔

وزیراعظم شہباز شریف کی زیر صدارت کابینہ کمیٹی برائے توانائی کے اجلاس میں نیشنل الیکٹریسٹی پلان 2023-2027 میں ترامیم کی منظوری دی گئی۔

اجلاس میں پاور سیکٹر کی مالی صورتحال کا جائزہ لیا گیا جبکہ خیبرپختونخوا حکومت اور نیپرا سے مزید مشاورت کی ہدایت بھی کی گئی۔

پاور ڈویژن کی جانب سے نیشنل الیکٹریسٹی پلان میں ترامیم پیش کی گئیں، جن کا مقصد بجلی کے شعبے میں بہتری، مالی استحکام اور صارفین کو بہتر سہولیات فراہم کرنا ہے۔