19 سے 26 جولائی تک خیبرپختونخوا میں32 افراد جاں بحق،35 زخمی ہوئے؛ پی ڈی ایم اے

پرونشل ڈیزاسٹر منیجمنٹ اتھارٹی (پی ڈی ایم اے) خیبرپختونخوا نے 19 جولائی سے 26 جولائی تک ہونے والی بارشوں سے صوبے میں نقصانات کی رپورٹ جاری کردی۔ پی ڈی ایم اے کی جانب سے جاری رپورٹ کے مطابق 19 جولائی سے 26 جولائی تک صوبہ میں فلش فلڈ سے گھروں کی چھتیں و دیواریں گرنےکے باعث مجموعی طور پر 32 افراد جاں بحق جبکہ 35افراد زخمی ہوئے۔ رپورٹ کے مطابق تیز بارشوں اور فلش فلڈ کے باعث مجموعی طور پر 72 گھروں کو نقصان پہنچا، 55 گھروں کو جزوی نقصان پہنچا جبکہ 17 گھر مکمل منہدم ہوئے۔