بلوچستان ہائیکورٹ کے لیے تین اضافی ججز کی منظوری

اسلام آباد: جوڈیشل کمیشن آف پاکستان نے بلوچستان ہائیکورٹ کے لیے تین اضافی ججز کی تقرری کی منظوری دے دی ہے۔

جوڈیشل کمیشن کے اجلاس میں عبدالقیوم لہری، اللہ داد روشن اور رؤف عطا کو بلوچستان ہائیکورٹ کا ایڈیشنل جج مقرر کرنے کی منظوری دی گئی۔

اجلاس کے دوران بلوچستان ہائیکورٹ کے جج کے عہدے کے لیے 20 امیدواروں کے ناموں پر غور کیا گیا، جس کے بعد تین امیدواروں کی منظوری دی گئی۔

ذرائع کے مطابق ان تقرریوں سے بلوچستان ہائیکورٹ میں زیر التوا مقدمات کے جلد تصفیے میں مدد ملنے کی توقع ہے۔

منظوری کے بعد آئینی و انتظامی مراحل مکمل ہونے پر تقرریوں کا باضابطہ نوٹیفکیشن جاری کیا جائے گا۔