ایرانی وزیر داخلہ کے دورہ پاکستان کا امکان

اسلام آباد: ایران کے وزیر داخلہ اسکندر مومنی کا آئندہ ہفتے پاکستان کا دورہ متوقع ہے، جس دوران وہ پاکستانی قیادت اور وفاقی وزیر داخلہ محسن نقوی سے ملاقاتیں کریں گے۔

میڈیا رپورٹس کے مطابق ایرانی وزیر داخلہ ایک اعلیٰ سطحی وفد کے ہمراہ پاکستان پہنچیں گے۔ دورے کے دوران پاک ایران دوطرفہ تعلقات، سرحدی تعاون، سیکیورٹی امور اور باہمی دلچسپی کے دیگر معاملات پر تبادلہ خیال کیا جائے گا۔

ذرائع کے مطابق دونوں ممالک کے درمیان رابطوں کو مزید مؤثر بنانے اور سرحدی معاملات پر تعاون بڑھانے کے حوالے سے بھی بات چیت متوقع ہے۔