پاکستان تحریک انصاف کی مشترکہ پارلیمانی پارٹی کا اجلاس شروع ہوگیا

اسلام آباد: پاکستان تحریک انصاف (پی ٹی آئی) کی مشترکہ پارلیمانی پارٹی کا اہم اجلاس خیبرپختونخوا ہاؤس میں شروع ہو گیا ہے، جس کی صدارت پارٹی کے چیئرمین بیرسٹر گوہر علی خان کر رہے ہیں۔

اجلاس میں پی ٹی آئی کے سیکرٹری جنرل سلمان اکرم راجہ سمیت قومی اسمبلی اور سینیٹ سے تعلق رکھنے والے ارکان پارلیمنٹ شریک ہیں۔

ذرائع کے مطابق اجلاس میں پارلیمانی حکمت عملی، موجودہ سیاسی صورتحال اور آئندہ کے لائحہ عمل پر تفصیلی غور کیا جا رہا ہے، جبکہ اہم قومی و سیاسی معاملات پر بھی مشاورت کی جا رہی ہے۔

اجلاس میں پارٹی کے پارلیمانی کردار کو مزید مؤثر بنانے اور مستقبل کی سیاسی سرگرمیوں سے متعلق مختلف تجاویز بھی زیر غور ہیں۔