سوراب پولیس کا دعویٰ، چوری کے مقدمے میں مطلوب تین ملزمان گرفتار

سوراب: سوراب پولیس نے چوری کے ایک مقدمے میں نامزد تین مبینہ ملزمان کو کامیاب کارروائی کے دوران گرفتار کرنے کا دعویٰ کیا ہے۔

پولیس کے مطابق کارروائی ایس پی سوراب خورشید احمد بلوچ کی ہدایت اور ڈی ایس پی ایس ڈی پی او بلاول بلوچ کی نگرانی میں کی گئی، جس میں ایس ایچ او سٹی محمد یونس محمد شہی، ڈپٹی افسر محمد اسماعیل نیچاری اور ان کی ٹیم نے حصہ لیا۔

پولیس کا کہنا ہے کہ خفیہ اطلاع اور پیشہ ورانہ حکمت عملی کے تحت کارروائی کرتے ہوئے مقدمے میں مطلوب ملزمان کو گرفتار کیا گیا۔ گرفتار افراد میں نصیر احمد ولد قادر داد، اورنگزیب عرف بھئیا ولد علی محمد اور تنویر احمد ولد جان محمد شامل ہیں۔

پولیس کے مطابق گرفتار ملزمان کو مزید قانونی کارروائی کے لیے حوالات منتقل کر دیا گیا ہے، جبکہ تفتیش کا دائرہ وسیع کر دیا گیا ہے تاکہ ملزمان کے دیگر ممکنہ وارداتوں میں ملوث ہونے سے متعلق معلومات حاصل کی جا سکیں۔