وزیراعظم شہباز شریف ایک روزہ دورے پر کوئٹہ پہنچ گئے، آج اپیکس کمیٹی اجلاس کی صدارت کریں گے

کوئٹہ: وزیراعظم شہباز شریف ایک روزہ دورے پر کوئٹہ پہنچ گئے ہیں۔ ان کے ہمراہ وفاقی وزراء بھی موجود ہیں۔

سرکاری ذرائع کے مطابق وزیراعظم اپنے دورے کے دوران اپیکس کمیٹی کے اجلاس کی صدارت کریں گے، جس میں بلوچستان میں حالیہ امن و امان کی صورتحال اور پیش آنے والے واقعات پر تفصیلی بریفنگ دی جائے گی۔

ذرائع کا کہنا ہے کہ اجلاس میں سیکیورٹی صورتحال، دہشت گردی کے حالیہ واقعات اور امن کی بحالی کے لیے کیے جانے والے اقدامات کا جائزہ لیا جائے گا۔

سرکاری ذرائع کے مطابق وزیراعظم شہباز شریف سانحہ ہنہ اوڑک کے شہدا کے لواحقین سے بھی ملاقات کریں گے، جو گزشتہ کئی روز سے احتجاجی دھرنے پر موجود ہیں، اور ان کے مطالبات و مسائل بھی سنیں گے۔