ہنہ اوڑک دہشت گرد حملہ، گورنر بلوچستان کا وزیراعظم سے رابطہ، فوری کارروائی پر اتفاق

کوئٹہ: ہنہ اوڑک میں دہشت گردانہ حملے کے بعد گورنر بلوچستان نے وزیراعظم شہباز شریف سے ٹیلیفونک رابطہ کیا، جس میں واقعے کی صورتحال اور امن و امان کے امور پر تبادلہ خیال کیا گیا۔

ذرائع کے مطابق گورنر بلوچستان نے وزیراعظم کو حملے سے متعلق تازہ صورتحال سے آگاہ کیا، جبکہ دونوں رہنماؤں نے دہشت گرد عناصر کے خلاف فوری اور فیصلہ کن کارروائی پر اتفاق کیا۔

اس موقع پر اس عزم کا اظہار کیا گیا کہ عوام کے جان و مال کا تحفظ یقینی بنانے اور دہشت گردی کے خاتمے کے لیے تمام ضروری اقدامات کیے جائیں گے۔ ریاست دشمن عناصر کے خلاف کارروائیاں مزید مؤثر انداز میں جاری رکھنے پر بھی اتفاق کیا گیا۔