کوئٹہ ینگ ڈاکٹرز کا کل دوپہر 12 بجے ریڈ زون میں دھرنے کا اعلان

کوئٹہ: بلوچستان میں ینگ ڈاکٹرز کے احتجاج کو 22 دن مکمل ہو گئے ہیں۔ مطالبات تسلیم نہ ہونے پر ینگ ڈاکٹرز ایسوسی ایشن نے کل دوپہر 12 بجے کوئٹہ کے ریڈ زون میں دھرنے کا اعلان کر دیا ہے۔

ینگ ڈاکٹرز کا کہنا ہے کہ اگر حکومت نے انہیں احتجاج سے روکنے یا ریڈ زون میں داخل ہونے سے منع کیا تو وہ اسلام آباد کی جانب مارچ کرنے پر غور کریں گے۔

ڈاکٹروں کے مطابق ان کے مطالبات تاحال تسلیم نہیں کیے گئے، جس کے باعث احتجاج کا سلسلہ جاری ہے۔ انہوں نے حکومت سے مطالبہ کیا کہ مسائل کو مذاکرات کے ذریعے حل کرتے ہوئے ان کے جائز مطالبات منظور کیے جائیں تاکہ احتجاج کا خاتمہ ممکن ہو سکے۔