کوئٹہ اسپنی روڈ پر دستی بم حملہ، 7 افراد زخمی

کوئٹہ: اسپنی روڈ لنک کراس کے قریب دستی بم حملے کے نتیجے میں 7 افراد زخمی ہوگئے، جن میں نہتے عام شہری اور ایک معصوم بچہ بھی شامل ہے۔

پولیس ذرائع کے مطابق دھماکے میں ایک پولیس اہلکار بھی زخمی ہوا۔ زخمیوں کو فوری طور پر طبی امداد کے لیے اسپتال منتقل کر دیا گیا، جبکہ واقعے کے بعد پولیس اور دیگر قانون نافذ کرنے والے اداروں نے جائے وقوعہ کو گھیرے میں لے کر تحقیقات شروع کر دی ہیں۔

واقعے کے بعد علاقے میں سیکیورٹی مزید سخت کر دی گئی ہے اور حملے میں ملوث عناصر کی تلاش جاری ہے۔