خواتین معاشرے کا بنیادی ستون ہیں،رابعہ خواجخیل بلوچ

خواتین معاشرے کا بنیادی ستون ہیں،رابعہ خواجخیل بلوچ

خواتین کی تعلیم اور خودمختاری معاشرتی ترقی کی بنیاد ہیں۔معروف سیاسی و سماجی ورکر

کوئٹہ(نمائندہ خصوصی)گلوبل ٹائمز میڈیا یورپ کے مطابق بلوچستان سے تعلق رکھنے والی معروف سیاسی و سماجی ورکر رابعہ خواجخیل بلوچ نے کہا کہ خواتین معاشرے کا بنیادی ستون ہیں اور ان کی ترقی کے بغیر کسی بھی قوم کی پائیدار ترقی ناممکن ہے۔ وہ بیک وقت خاندان کی پرورش، معاشی استحکام اور سماجی اقدار کی تشکیل میں کلیدی کردار ادا کرتی ہیں جو قابل تعریف ہے۔معروف سیاسی و سماجی ورکر رابعہ خواجخیل بلوچ نے گلوبل ٹائمز میڈیا یورپ کے ساتھ ایک انٹرویو میں کہا کہ خواتین کی تعلیم اور خود مختاری معاشرتی ترقی کی بنیاد ہیں۔ انہوں نے مزید کہا کہ تعلیم یافتہ خواتین نہ صرف بہتر فیصلہ سازی کی صلاحیت رکھتی ہیں بلکہ معاشی استحکام اور صحت مند خاندانی اقدار کو فروغ دے کر پورے معاشرے کی خوشحالی کی ضامن بنتی ہیں۔