کوئٹہ میں پیٹرول کی فراہمی بلا تعطل اور معمول کے مطابق جاری ہے، مہراللہ بادینی

۔وزیراعلی بلوچستان میر سرفراز احمد بگٹی کے احکامات اور ڈپٹی کمشنر کوئٹہ مہراللہ بادینی کی خصوصی ہدایات پر ضلع بھر میں پیٹرول کی فراہمی بلا تعطل اور معمول کے مطابق جاری ہے، جبکہ شہر کے تمام پیٹرول پمپس مکمل طور پر فعال ہیں۔ضلعی انتظامیہ کے افسران اپنے اپنے سب ڈویژنز میں فیلڈ میں موجود رہتے ہوئے پیٹرول پمپس کی مسلسل نگرانی، سپلائی اور ترسیل کے عمل کا جائزہ لے رہے ہیں تاکہ عوام کو کسی بھی قسم کی دشواری کا سامنا نہ کرنا پڑے۔اس حوالے سے ڈی سی آفس کوئٹہ کا کنٹرول روم بھی مکمل طور پر فعال ہے، جہاں سے صورتحال کی 24 گھنٹے مانیٹرنگ کی جا رہی ہے۔ ضلعی انتظامیہ عوام کو ہر ممکن سہولت اور پیٹرول کی بروقت فراہمی یقینی بنانے کے لیے دن رات متحرک ہے۔