ضلع سکھر میں ریکارڈ آف رائٹس کی ڈیجیٹلائزیشن کے عمل کا تفصیلی جائزہ لیا گیا، کمشنر سکھر

سکھر(رپورٹ اسلم سومرو)کمشنر سکھر ڈویڑن کی زیر صدارت ضلع سکھر میں ریکارڈ آف رائٹس کی ازسرِ نو تحریر اور ڈیجیٹلائزیشن کے عمل کا جائزہ اجلاس کا انعقاد ، تفصیلات کے مطابق کمشنر سکھر ڈویڑن عابد سلیم قریشی کی زیر صدارت کمشنر آفس کے کمیٹی روم میں ضلع سکھر میں ریکارڈ آف رائٹس (Record of Rights) کی ازسرِ نو تحریر اور ڈیجیٹلائزیشن کے عمل کی پیش رفت کا جائزہ لینے کے لیے ایک اہم اجلاس منعقد ہوا،اجلاس میں ایڈیشنل کمشنر ون ڈاکٹر محمد عامر انصاری، ایڈیشنل کمشنر-ٹو نہید احمد میرانی، ڈپٹی کمشنر سکھر نادر شہزاد خان، اسسٹنٹ کمشنر ریونیو اطہر حسین، دیگر متعلقہ اسسٹنٹ کمشنرز ، مختیارکاروں سمیت ضلع سکھر کے دیگر ریونیو افسران اور عملے نے شرکت کی۔ اجلاس کے دوران کمشنر سکھر ڈویڑن عابد سلیم قریشی نے ریکارڈ آف رائٹس کی ازسرِ نو تحریر اور ڈیجیٹلائزیشن کے جاری عمل کی پیش رفت کا تفصیلی جائزہ لیا۔ اس موقع پر مختلف ایجنڈا نکات پر تفصیلی غور و خوض کیا گیا تاکہ اس اہم عمل کو مقررہ مدت میں کامیابی سے مکمل کیا جا سکے۔ اجلاس میں تعلقہ وار پیش رفت رپورٹ کا جائزہ ، دستیاب انسانی وسائل کی ضرورت اور افادیت، فیلڈ اسٹاف کی تربیت اور آگاہی، مشکوک یا بلاک شدہ ریونیو اندراجات کے حوالے سے سیکشن 164 کے تحت ریفرنسز، ڈیجیٹلائزیشن کے لیے درکار وسائل ، ازسرِ نو تحریر کے عمل کی تکمیل کے بعد اسکیننگ، ڈیٹا انٹری، سافٹ ویئر اور افرادی قوت کی ضروریات پر تفصیلی غور کیا گیا۔ اجلاس کا مقصد کام کی بروقت تکمیل کے لیے واضح لائحہ عمل مرتب کرنا، تمام اہداف کے حصول کو یقینی بنانا اور طے شدہ ٹرمز آف ریفرنسز (TORs) کے مطابق عملدرآمد کو یقینی بنانا تھا۔ کمشنر سکھر عابد سلیم قریشی نے متعلقہ افسران کو ہدایت کی کہ وہ مقررہ اہداف کے مطابق کام کی رفتار مزید تیز کریں اور تمام مراحل کو شفاف، مو¿ثر اور بروقت مکمل کرنے کے لیے مربوط حکمت عملی اختیار کریں۔

Browse Posts

وفاقی بجٹ عوامی توقعات اور ملکی ضروریات کے برعکس ہے، سید امان شاہ

نیب اور حکومت بلوچستان کی بڑی کامیابی، 1784 ارب روپے مالیت کی سرکاری اراضی واگزار

مسلم باغ میں موبائل نیٹ ورک کا شدید بحران، عوام پریشان