ایاز صادق کا یومِ معرکۂ حق کے موقع پر قوم کو مبارکباد، افواجِ پاکستان کو زبردست خراجِ تحسین

سردار ایاز صادق نے یومِ معرکۂ حق کے موقع پر قوم کو مبارکباد دیتے ہوئے آپریشن بُنْيَانٌ مَّرْصُوْص کی تکمیل کے ایک سال مکمل ہونے پر افواجِ پاکستان کو زبردست خراجِ تحسین پیش کیا۔

اپنے پیغام میں سردار ایاز صادق نے کہا کہ آپریشن بنیان مرصوص قومی دفاع، عسکری مہارت اور قومی یکجہتی کی درخشاں مثال ہے، جس کے بعد دنیا بھر میں پاکستان کا وقار بلند ہوا۔ انہوں نے کہا کہ یومِ معرکۂ حق افواجِ پاکستان کی بہادری، قربانیوں اور پیشہ ورانہ برتری کو خراجِ عقیدت پیش کرنے کا دن ہے۔

Browse Posts

مستونگ لکپاس کسٹم آفس میں اچانک آگ بھڑک اٹھی

منگچر پولیس اسٹیشن پر مسلح افراد کا حملہ، ڈی ایس پی سرکاری گاڑی سمیت اغوا

معرکہ حق میں پاکستان کی شاندار فتح، قومی و عالمی میڈیا کا بھی اعتراف

انہوں نے کہا کہ سیاسی و عسکری قیادت کے مؤثر اشتراک نے بھارتی جارحیت کو ناکام بنایا اور پاک افواج نے دشمن کے ناپاک عزائم کو خاک میں ملا دیا۔ ان کے مطابق وزیرِ اعظم شہباز شریف کی مدبرانہ قیادت اور سید عاصم منیر کی عسکری حکمتِ عملی نے آپریشن کو کامیابی سے ہمکنار کیا۔

سردار ایاز صادق نے پاک فضائیہ کی کارکردگی کو سراہتے ہوئے ظہیر احمد بابر سدھو اور پاک فضائیہ کے افسران و جوانوں کو قوم کا فخر قرار دیا۔ انہوں نے پاک بحریہ کی حکمتِ عملی کو بھی سراہا اور نوید اشرف سمیت پاک بحریہ کے جوانوں کو خراجِ تحسین پیش کیا۔

انہوں نے کہا کہ جدید سائبر اور الیکٹرانک وارفیئر کے ذریعے دشمن کے کمانڈ اینڈ کنٹرول نظام کو مؤثر انداز میں ناکارہ بنایا گیا۔ ان کے مطابق پاکستان ایک امن پسند مگر خوددار ریاست ہے جو اپنی خودمختاری پر کبھی سمجھوتہ نہیں کرے گی۔

اپنے بیان میں سردار ایاز صادق نے مسئلہ جموں و کشمیر کو خطے کے عدم استحکام کی بنیادی وجہ قرار دیتے ہوئے اقوامِ متحدہ کی قراردادوں کے مطابق اس کے حل پر زور دیا۔ انہوں نے بھارت کی جانب سے سندھ طاس معاہدے کی معطلی کو آبی دہشتگردی کے مترادف بھی قرار دیا۔

آخر میں انہوں نے مادرِ وطن کے دفاع میں جانوں کا نذرانہ پیش کرنے والے شہداء کو خراجِ عقیدت پیش کرتے ہوئے کہا کہ پوری قوم اپنے شہداء کی قربانیوں کو ہمیشہ یاد رکھے گی۔