ہم وزیر اعلیٰ بلوچستان کے دس روزہ مہلت لینے کو حسن نیت کا موقع سمجھتے ہیں،حافظ حمد اللہ

کوئٹہ ۔۔۔۔ جمعیت علمائے اسلام کے مرکزی رہنما مولانا حافظ حمد اللہ نے کہا ہے ۔ کہ دینی مدارس امن و سلامتی کے مراکز ہیں ۔ اور یہ مراکز پاکستان کی اسلامی تشخص کے محافظ ہیں ۔ حکومت اس معاملے کو سنجیدگی سے آگے بڑھائے ۔ حافظ حمد اللہ نے کہا کہ ہم وزیر اعلیٰ بلوچستان میر سرفراز بگٹی اور صوبائی حکومت کی دس دن کی مہلت لینے کو حسن نیت کا موقع سمجھتے ہیں ۔ وہ دس دن میں اپنی مرکزی قیادت کو اعتماد میں لیں گے ۔ میر سرفراز بگٹی کا خود مولانا فضل الرحمن صاحب کے پاس جانا اس بات کا اعتراف ہے ۔ کہ مدارس کا مسئلہ طاقت اور تصادم سے نہیں بلکہ اعتماد ، مذاکرات ، اور قانون و آئین پر عملدرآمد سے حل ہوگا ۔ حافظ حمد اللہ نے کہا ۔ کہ مولانا فضل الرحمن صاحب کی سیاست کا یہی کمال ہے ۔ کہ وہ تصادم کو بھی مذاکرات میں بدل دیتے ہیں ۔ تا ہم جے یو آئی یہ واضح کرتی ہے ۔ کہ وہ مدارس کے تقدس ، دینی آزادی اور آئینی و قانونی حقوق پر کوئی سمجھوتہ نہیں کریگی ۔ کیونکہ مدارس ہماری دینی ، قومی اور آئینی ، قانونی شناخت ہے ۔