سریاب روڈ تجاوزات آپریشن، خلاف ورزی پر 8 افراد گرفتار

کوئٹہ: ڈپٹی کمشنر کوئٹہ مہراللہ بادینی کے احکامات پر ضلعی انتظامیہ اور میٹروپولیٹن کارپوریشن کی جانب سے سریاب روڑ پر تجاوزات کے خلاف مشترکہ آپریشن کیا گیا۔
آپریشن کی نگرانی اسسٹنٹ کمشنر (سریاب ) مصور احمد ، اسپیشل مجسٹریٹ عزت اللہ اور انکروچمنٹ آفیسر علی نواز نے کی۔ کارروائی کے دوران غیر قانونی تجاوزات کا خاتمہ کیا گیا جبکہ مزاحمت اور خلاف ورزی پر 8 افراد کو گرفتار کر لیا گیا
آپریشن کے بعد سڑک کو ہر قسم کی ٹریفک کے لیے مکمل طور پر بحال کر دیا گیا۔ ضلعی انتظامیہ نے واضح کیا ہے کہ شہر میں تجاوزات کے خلاف کارروائیاں بلا امتیاز جاری رہیں گی۔