ڈبل روڈ تجاوزات آپریشن، خلاف ورزی پر 6 افراد گرفتار

ڈبل روڈ تجاوزات آپریشن، خلاف ورزی پر 6 افراد گرفتار
کوئٹہ: ڈپٹی کمشنر کوئٹہ مہراللہ بادینی کے احکامات پر ضلعی انتظامیہ اور میٹروپولیٹن کارپوریشن کی جانب سے ڈبل روڈ پر تجاوزات کے خلاف مشترکہ آپریشن کیا گیا۔آپریشن کی نگرانی اسسٹنٹ کمشنر (سٹی) محمد امیر حمزہ، اسپیشل مجسٹریٹ اعجاز حسین کھوسہ اور انکروچمنٹ آفیسر محمد قاسم نے کی۔ کارروائی کے دوران غیر قانونی تجاوزات کا خاتمہ کیا گیا جبکہ مزاحمت اور خلاف ورزی پر 6 افراد کو گرفتار کرکے جیل منتقل کر دیا گیا۔آپریشن کے بعد سڑک کو ہر قسم کی ٹریفک کے لیے مکمل طور پر بحال کر دیا گیا۔ ضلعی انتظامیہ نے واضح کیا ہے کہ شہر میں تجاوزات کے خلاف کارروائیاں بلا امتیاز جاری رہیں گی۔