وزیر اعلیٰ بلوچستان میر سرفراز بگٹی کی ہدایت پر کوئٹہ سٹی سے نسٹ یونیورسٹی تک گرین بس سروس کا آغاز

وزیر اعلیٰ بلوچستان میر سرفراز بگٹی کی خصوصی ہدایت پر کوئٹہ سٹی سے نسٹ یونیورسٹی تک گرین بس سروس باقاعدہ طور پر شروع کر دی گئی ہے۔ یہ اقدام وزیر اعلیٰ کے حالیہ دورۂ یونیورسٹی کے دوران طلبہ کی جانب سے کیے گئے مطالبے کے بعد عمل میں لایا گیا۔

حیران کن طور پر وزیر اعلیٰ کے دورے کے صرف دو گھنٹوں کے اندر گرین بس سروس کا اجرا ممکن بنایا گیا، جس کے تحت پہلی دو بسیں طلبہ کو سہولت فراہم کرنے کے لیے نسٹ یونیورسٹی پہنچ گئیں۔ اس فوری اقدام پر طلبہ نے وزیر اعلیٰ میر سرفراز بگٹی کا شکریہ ادا کیا اور اس فیصلے کو سراہا۔