کوئٹہ، پانی کے بحران پر ڈپٹی کمشنر کا بروری روڈ لہڑی آباد کا دورہ

وحدت کالونی میں پانی کے مسائل پر عوامی شکایات کا نوٹس لیتے ہوئے ڈپٹی کمشنر کوئٹہ مہراللہ بادینی نے بروری روڈ، لہڑی آباد کا دورہ کیا۔ اس موقع پر اسسٹنٹ کمشنر سٹی، ایکسین پی ایچ ای اور تحصیلدار سٹی بھی ہمراہ تھے۔

ڈپٹی کمشنر نے علاقہ مکینوں سے ملاقات کرکے پانی کی قلت سے متعلق مسائل سنے اور متعلقہ حکام کو ہدایت دی کہ مسئلہ فوری طور پر حل کرکے پانی کی بلا تعطل فراہمی یقینی بنائی جائے۔

انہوں نے کہا کہ عوامی مسائل کا فوری حل ضلعی انتظامیہ کی اولین ترجیح ہے اور اس میں کسی قسم کی غفلت برداشت نہیں کی جائے گی۔