وزیر اعلیٰ بلوچستان میر سرفراز بگٹی نے تربت ناصر آباد انٹر کالج کو تاج محمد مرحوم کے نام سے منسوب کرنے کا اعلان کردیا

وزیر اعلیٰ بلوچستان میر سرفراز بگٹی کو مرحوم تاج محمد کی کتاب “ناتوامیں ارزو” ان کی نواسی مہناز بشیر نے پیش کی۔ واضح رہے کہ تاج محمد ماضی میں اپنی تحریریں ایک خاتون کے نام سے شائع کیا کرتے تھے، جو تاج بی بی کے نام سے مشہور تھیں اس موقع پر وزیر اعلیٰ بلوچستان نے تاج محمد کی یادگار کے طور پر ان کے آبائی گاؤں تربت ناصر آباد میں موجود انٹر کالج کا نام تاج محمد انٹر کالج رکھنے کا اعلان کیا وزیر اعلیٰ بلوچستان نے کہا کہ ادبی اور علمی خدمات کو یادگار بنانا اور ان کی شخصیت کو خراجِ تحسین پیش کرنا معاشرتی اور ثقافتی ورثے کی حفاظت کا اہم حصہ ہے۔