بیوٹمز اسٹاف ایسوسی ایشن کا پٹرولیم قیمتوں میں اضافے پر شدید تشویش کا اظہار، ملازمین کے بوجھ کو کم کریں گے

بیوٹمز اسٹاف ایسوسی ایشن (BSA) کی جانب سے حالیہ پیٹرولیم مصنوعات کی قیمتوں میں اضافے پر شدید تشویش کا اظہار کیا جاتا ہے۔ موجودہ مہنگائی کے طوفان میں پٹرول کی قیمتوں میں یہ اضافہ سرکاری و نجی ملازمین، خصوصاً یونیورسٹی کے اساتذہ و عملے کے لیے ایک ناقابلِ برداشت بوجھ بن چکا ہے۔

ملازمین پہلے ہی بڑھتی ہوئی مہنگائی، یوٹیلیٹی بلز اور روزمرہ اخراجات کے دباؤ کا شکار ہیں، جبکہ پٹرول کی قیمتوں میں مسلسل اضافہ ان کی مالی مشکلات میں مزید اضافہ کر رہا ہے۔ ایسی صورتحال میں روزانہ کی بنیاد پر کیمپس آنا جانا بہت سے ملازمین کے لیے ممکن نہیں رہا۔

بیوٹمز اسٹاف ایسوسی ایشن صوبائی حکومت اور یونیورسٹی انتظامیہ سے گزارش کرتی ہے کہ موجودہ حالات کو مدنظر رکھتے ہوئے یونیورسٹی کلاسز کو عارضی طور پر آن لائن منتقل کیا جائے اور ایڈمن اسٹاف کو بھی روٹیشنل بنیاد پر ڈیوٹیز دی جائیں۔ تاکہ ملازمین کو اس مشکل وقت میں کچھ سہولت فراہم کی جا سکے۔

بی ایس اے امید کرتی ہے کہ متعلقہ حکام اس سنجیدہ مسئلے کا فوری نوٹس لیتے ہوئے عملی اقدامات کریں گے۔