تیل 200 ڈالر فی بیرل تک جا سکتا ہے، ایران کی امریکا کو دھمکی

تیل 200 ڈالر فی بیرل تک جا سکتا ہے، ایران کی امریکا کو دھمکی

ایران نے خبردار کیا ہے کہ اگر جنگی صورتحال برقرار رہی تو عالمی منڈی میں تیل کی قیمتیں 200 ڈالر فی بیرل تک پہنچ سکتی ہیں۔

ایرانی فوج کے مشترکہ کمان مرکز کے ترجمان Ebrahim Zolfaghari نے بیان دیتے ہوئے کہا کہ ایران اب صرف دفاعی کارروائیوں تک محدود نہیں رہے گا بلکہ دشمنوں کے خلاف مسلسل اور بھرپور حملے کرے گا۔

انہوں نے امریکا کو خبردار کرتے ہوئے کہا کہ ایران Strait of Hormuz سے ایک قطرہ تیل بھی امریکا، اسرائیل یا ان کے اتحادیوں تک نہیں پہنچنے دے گا۔

ان کے مطابق اگر آبنائے ہرمز سے تیل کی ترسیل بند ہوئی تو عالمی منڈی میں تیل کی قیمتیں 200 ڈالر فی بیرل تک جا سکتی ہیں۔

ایرانی ترجمان نے مزید بتایا کہ 28 فروری کو جنگ کے آغاز سے اب تک آبنائے ہرمز میں 13 بحری جہازوں کو نشانہ بنایا جا چکا ہے جس کے باعث عالمی سطح پر تیل کی ترسیل متاثر ہوئی ہے اور قیمتوں میں تیزی سے اضافہ دیکھنے میں آ رہا ہے۔