تربت : ماہ نور شاہ کا تربت یونیورسٹی میں بلیدہ سے مین کیمپس تک بس سروس شروع ہونے پر خوشی کا اظہار

تربت یونیورسٹی نے بلیدہ اور اس کے مضافاتی علاقوں سے تعلق رکھنے والے طلبہ کو ٹرانسپورٹ کی سہولت فراہم کرنے کے لیے بلیدہ سے یونیورسٹی تک بس سروس شروع کرنے کا فیصلہ کیا ہے۔ اس حوالے سے وائس چانسلر پروفیسر ڈاکٹر گل حسن کی صدارت میں منعقدہ اجلاس میں یہ فیصلہ کیا گیا کہ تربت یونیورسٹی میں تعلیمی سرگرمیوں کے دوبارہ آغاز کے بعد بلیدہ سے تربت یونیورسٹی کے مین کیمپس تک باقاعدہ بس سروس شروع کی جائے گی۔ اس فیصلے پر ماہ نور شاہ نے خوشی کا اظہار کرتے ہوئے کہا کہ اس سروس کے شروع ہونے سے بلیدہ سے تعلق رکھنے والے طلبہ کو یونیورسٹی آنے جانے میں پیش آنے والی مشکلات کا خاتمہ ہوگا۔ انہوں نے اس اقدام کو طلبہ کی تعلیمی سہولت کے لیے ایک اہم قدم قرار دیا اور اس پر خوشی کا اظہار کیا۔ اس سلسلے میں بلیدہ سے تعلق رکھنے والے یونیورسٹی ہاسٹل میں رہائش پذیر طلبہ کو ہدایت کی گئی ہے کہ وہ اس بس سروس سے مستفید ہونے کے لیے یونیورسٹی کے ٹرانسپورٹ سیکشن سے رابطہ کریں۔