کفایت شعاری؛ قومی اسمبلی سیکرٹریٹ میں بڑے اقدامات، گاڑیاں بند اور تنخواہوں میں کٹوتی

اسپیکر قومی اسمبلی Sardar Ayaz Sadiq کی ہدایت پر National Assembly of Pakistan کے سیکرٹریٹ میں بڑے پیمانے پر کفایت شعاری اقدامات نافذ کر دیے گئے ہیں۔

سیکرٹریٹ کی جانب سے جاری نوٹیفکیشن کے مطابق یہ اقدامات وزیراعظم Shehbaz Sharif کی کفایت شعاری مہم کے تحت کیے گئے ہیں۔

Browse Posts

ایم این اے آصف خان کا گورنمنٹ سٹی گرلز کالج گلبہار کا تفصیلی دورہ

پشاور میوزیم میں سووینئر شاپ کی افتتاحی تقریب کا انعقاد کیا گیا

وزیر اعظم پاکستان کا لبنان میں جنگ بندی کا خیر مقدم

نوٹیفکیشن کے مطابق مہم کے تحت 70 فیصد سرکاری گاڑیاں بند رکھنے کا فیصلہ کیا گیا ہے جبکہ ارکان قومی اسمبلی کی دو ماہ کی تنخواہوں اور الاؤنسز میں 25 فیصد کٹوتی کی جائے گی۔ اس کے علاوہ پارلیمانی وفود کے بیرون ملک دوروں پر مکمل پابندی عائد کر دی گئی ہے۔

اعلامیے کے مطابق گریڈ 20 اور اس سے اوپر کے افسران یا وہ افسران جن کی ماہانہ تنخواہ تین لاکھ روپے یا اس سے زائد ہے، ان کی دو دن کی تنخواہ قومی خزانے میں جمع کرائی جائے گی۔ سیکرٹریٹ میں تمام نئی خریداری فوری طور پر بند کر دی گئی ہے جبکہ صرف ناگزیر ضروریات کے لیے محدود خریداری کی اجازت ہوگی۔

فیصلے کے تحت قومی اسمبلی اور کمیٹیوں کے اجلاس غروبِ آفتاب سے پہلے منعقد کیے جائیں گے جبکہ سیکرٹریٹ کا 80 فیصد عملہ گھر سے آن لائن ڈیوٹی انجام دے گا۔ گھر سے کام کرنے والے ملازمین کو اضافی الاؤنس بھی نہیں دیے جائیں گے۔

مزید برآں قائمہ کمیٹیوں کے اجلاس آن لائن یا ورچوئل طریقے سے منعقد کرنے کا فیصلہ کیا گیا ہے جبکہ قومی اسمبلی میں ہفتے میں چار ورکنگ ڈیز ہوں گے۔

نوٹیفکیشن میں کہا گیا ہے کہ بجلی کے استعمال میں 70 فیصد کمی کی جائے گی اور غیر ضروری لائٹس و برقی آلات بند رکھنے کی ہدایت دی گئی ہے۔ اسی طرح سیکرٹریٹ کے کیفے ٹیریاز کے یوٹیلیٹی بلز میں بھی 70 فیصد بچت کا ہدف مقرر کیا گیا ہے جبکہ اخراجات کم کرنے کے لیے پیپر لیس ورکنگ اپنانے کا فیصلہ بھی کیا گیا ہے۔