محمد امین عالم نسیم نے دوبارہ ایس ایس پی ریلوے کراچی کا چارج سنبھال لیا

سکھر : کراچی (رپورٹ: اسلم سومرو) ایس ایس پی ریلوے کراچی محمد امین عالم نسیم نے ایک بار پھر ایس ایس پی ریلوے کراچی کے عہدے کا چارج سنبھال لیا ہے۔ ان کی دوبارہ تعیناتی اور چارج سنبھالنے کی خبر سامنے آتے ہی ریلوے ملازمین میں خوشی کی لہر دوڑ گئی اور ملازمین کی جانب سے مسرت کا اظہار کیا جا رہا ہے ریلوے ملازمین نے محمد امین عالم نسیم کی واپسی کو خوش آئند قرار دیتے ہوئے امید ظاہر کی ہے کہ ان کی قیادت میں ریلوے پولیس کے انتظامی امور، ملازمین کی فلاح و بہبود، محکمانہ نظم و ضبط اور حفاظتی اقدامات کو مزید بہتر بنانے کے لیے مؤثر اقدامات کیے جائیں گےملازمین کا کہنا ہے کہ افسران کی جانب سے ملازمین کے مسائل کو ترجیحی بنیادوں پر حل کرنے اور ان کی حوصلہ افزائی سے محکمے کی کارکردگی میں بہتری آتی ہے انہوں نے امید ظاہر کی کہ محمد امین عالم نسیم اپنی سابقہ روایات کے مطابق ملازمین کے مسائل کے حل اور ریلوے پولیس کی بہتری کے لیے اپنا کردار ادا کریں گے۔