بھوسہ منڈی میں بڑھتی بدامنی اور چوری ڈکیتی کے واقعات باعث تشویش ہیں، جمعیت علمائے اسلام

کوئٹہ
جمعیت علماء اسلام مفتی زرولی خان صاحب یونٹ بوسہ منڈی کے مجلس عاملہ کا اجلاس زیرصدارت امیر یونٹ مولوی حبیب الرحمن منعقد ہوا اجلاس میں مجلس عاملہ کے اراکین مولوی حکمت اللہ، مولوی ضیاء اللہ خوشحال، مولوی عبدالنافع، مولوی عطاء الرحمن، حافظ نصیب اللہ خبیب، مولوی نجیب اللہ نے شرکت کی اجلاس میں مختلف اہم ایجنڈوں پر تفصیلی گفتگو ہوئی بالخصوص بوسہ منڈی میں بڑھتی ہوئی بدامنی، فحاشی و عریانی، چوری و ڈکیتی اور معاشرتی بے راہ روی کے حوالے سے غور و خوض کیا گیا۔اجلاس میں اس عزم کا اظہار کیا گیا کہ بوسہ منڈی میں امن و امان کے قیام، معاشرتی اقدار کے تحفظ اور معاشرے کی اصلاح کے لیے جمعیت علماء اسلام اپنا پُرامن، مثبت اور بھرپور کردار ادا کرتی رہے گی۔