بلوچستان کے کئی اضلاع میں گرج چمک کے ساتھ ہلکی بارش کا امکان، شمالی علاقوں میں سردی برقرار

کوئٹہ: محکمہ موسمیات نے بلوچستان کے بیشتر اضلاع میں موسم خشک جبکہ شمالی علاقوں میں صبح اور رات کے اوقات میں موسم سرد رہنے کی پیشگوئی کی ہے۔

محکمہ موسمیات کے مطابق شمالی بلوچستان میں مطلع جزوی ابر آلود رہنے کا امکان ہے، جبکہ کوئٹہ، بارکھان، موسیٰ خیل، چمن، پشین، ژوب، قلعہ عبداللہ، قلعہ سیف اللہ، زیارت، قلات، نوکنڈی، خضدار اور گردونواح میں بعض مقامات پر گرج چمک کے ساتھ ہلکی بارش متوقع ہے۔

محکمہ موسمیات کے جاری کردہ اعداد و شمار کے مطابق کوئٹہ اور قلات میں کم سے کم درجہ حرارت 6 ڈگری سینٹی گریڈ ریکارڈ کیا گیا، جبکہ زیارت میں 4، ژوب میں 12، چمن میں 12، نوکنڈی میں 19، سبی میں 20، گوادر میں 20، جیوانی میں 20 اور تربت میں 22 ڈگری سینٹی گریڈ ریکارڈ کیا گیا۔

محکمہ موسمیات کے مطابق شمالی بلوچستان کے مختلف علاقوں میں سرد موسم کا سلسلہ برقرار رہنے کا امکان ہے۔