راولپنڈی میں 60 لاکھ 50 ہزار روپے کے مبینہ ویزا فراڈ کا مقدمہ درج، پانچ افراد پر شبہ

راولپنڈی: 60 لاکھ 50 ہزار روپے کے مبینہ ویزا فراڈ کا مقدمہ درج، پانچ افراد کے ملوث ہونے کا شبہ

نیشنل سائبر کرائم انویسٹیگیشن ایجنسی (این سی سی آئی اے) راولپنڈی نے 60 لاکھ 50 ہزار روپے کے مبینہ ویزا فراڈ کی انکوائری مکمل کرنے کے بعد مقدمہ درج کر لیا۔ابتدائی تحقیقات کے مطابق شکایت کنندہ کے موبائل فون اور بینکنگ سہولیات تک مبینہ غیر قانونی رسائی حاصل کرکے رقم ہتھیانے کا انکشاف ہوا ہے، جبکہ اس واردات میں پانچ افراد کے ملوث ہونے کا شبہ ظاہر کیا گیا ہے۔این سی سی آئی اے نے واقعے کا مقدمہ پریوینشن آف الیکٹرانک کرائمز ایکٹ 2016 (PECA) اور پاکستان پینل کوڈ (PPC) کی متعلقہ دفعات کے تحت درج کر لیا ہے۔مقدمے کی تفتیش سب انسپکٹر غیور عباس جعفری کی نگرانی میں جاری ہے، جس کے دوران ملزمان کے کردار کا تعین کرنے اور دیگر ممکنہ ملوث افراد کی نشاندہی کے لیے شواہد اکٹھے کیے جا رہے ہیں۔