گیس کی قلت برقرار، گھریلو اور کاروباری نئے کنکشنز پر پابندی غیر معینہ مدت تک بڑھا دی گئی

ملک میں گیس کی بڑھتی ہوئی قلت کے باعث سوئی گیس کمپنی نے گھریلو صارفین کو نئے کنکشنز جاری کرنے پر عائد پابندی غیر معینہ مدت تک برقرار رکھنے کا فیصلہ کیا ہے، جبکہ ہوٹلوں، تندوروں اور دیگر کاروباری صارفین کے لیے بھی نئے کنکشنز بند کردیے گئے ہیں۔

ذرائع کے مطابق آر ایل این جی کی سپلائی میں تعطل اور طلب و رسد کے درمیان بڑھتے ہوئے فرق کے باعث نئے کنکشنز کا اجرا روک دیا گیا ہے۔ اس صورتحال کے نتیجے میں ہزاروں صارفین اضافی فیس ادا کرنے کے باوجود کنکشنز کے منتظر ہیں۔