لورالائی: پولیس کی کارروائی، 600 کلوگرام اومان بوٹی برآمد، دو ملزمان گرفتار

ڈی آئی جی پولیس لورالائی رینج جنید احمد شیخ کی ہدایات پر تھانہ چنجن پولیس نے منشیات کے خلاف کارروائی کرتے ہوئے 600 کلوگرام اومان بوٹی برآمد کرکے دو ملزمان کو گرفتار کرلیا جبکہ منشیات کی نقل و حمل میں استعمال ہونے والی دو گاڑیاں بھی قبضے میں لے لی گئیں۔پولیس کے مطابق گرفتار ملزمان کی شناخت نور علی اور عبدالنافع ولد عبدالوہاب کے نام سے ہوئی ہے جنہیں منشیات سے لدی گاڑیوں سمیت رنگے ہاتھوں گرفتار کیا گیا۔ کارروائی کے دوران ایک سفید رنگ کی سوزوکی سکسیڈ (Succeed) اور ایک کیا (Kia) کار کو بھی تحویل میں لے لیا گیا۔پولیس حکام کے مطابق برآمد ہونے والی اومان بوٹی ایک ایسی ممنوعہ اشیا ہے جو خطرناک منشیات آئس (کرسٹل میتھ) کی تیاری میں استعمال ہوتی ہے۔ منشیات کی بھاری مقدار کی برآمدگی کو منشیات کے پھیلاو¿ کی روک تھام کے حوالے سے اہم کارروائی قرار دیا جا رہا ہے۔ڈی آئی جی پولیس لورالائی رینج جنید احمد شیخ کی ہدایات کے تحت پولیس کی جانب سے منشیات فروشوں اور اس غیر قانونی کاروبار میں ملوث عناصر کے خلاف کارروائیاں جاری ہیں۔ پولیس حکام نے اس عزم کا اظہار کیا ہے کہ معاشرے کو منشیات کی لعنت سے پاک کرنے اور نوجوان نسل کو اس کے مضر اثرات سے محفوظ رکھنے کے لیے ایسے عناصر کے خلاف قانون کے مطابق کارروائیاں جاری رکھی جائیں گی۔