وزیراعلیٰ بلوچستان میر سرفراز بگٹی نے پانچ یتیم بہن بھائیوں کی کفالت کی ذمہ داری اٹھا لی

کوئٹہ: وزیراعلیٰ بلوچستان میر سرفراز بگٹی نے یتیم بچے منیر احمد اور اس کے چار بہن بھائیوں سمیت ان کی والدہ کی کفالت کی مکمل ذمہ داری اٹھا لی۔

سوشل میڈیا پر وائرل ویڈیو میں یتیم بچے منیر احمد کی وزیراعلیٰ بلوچستان سے ملاقات سامنے آنے کے بعد میر سرفراز بگٹی نے بچوں کی تعلیم اور رہائش کے انتظامات کی ہدایات جاری کردیں۔

وزیراعلیٰ نے منیر احمد کے چھوٹے بھائی اور تین بہنوں کو اسکولوں میں داخل کرانے اور پانچوں بچوں کے لیے رہائش کی فراہمی یقینی بنانے کی ہدایت کی۔

میر سرفراز بگٹی نے اپنی ذاتی خرچ پر بچوں کے لیے موسمِ سرما کی خریداری کا بھی انتظام کیا۔ وزیراعلیٰ نے بچوں کے روشن مستقبل کے لیے نیک خواہشات کا اظہار کرتے ہوئے ان کی تعلیم اور دیکھ بھال کے انتظامات کی ذمہ داری بھی اپنے ذمے لے لی۔