عوام کو ریلیف اور بنیادی سہولیات کی فراہمی حکومتی ترجیح ہے، چوہدری نعیم کریم

عوام کو ریلیف اور بنیادی سہولیات کی فراہمی حکومتی ترجیح ہے، چوہدری نعیم کریم

وزیراعظم شہباز شریف کی قیادت میں ترقی و خوشحالی کا ایجنڈا جاری ہے،
عوامی منصوبوں کا اصل مقصد شہریوں کی زندگی آسان بنانا ہے۔فوکل پرسن چودھری نعیم کریم

کوئیٹہ (رپورٹ ۔ محمد حنیف جمالی) تفصیلات کے مطابق پاکستان مسلم لیگ (ن) کے مرکزی سینئر نائب صدر چوہدری نعیم کریم نے کہا ہے کہ مسلم لیگ (ن) کی حکومت عوام کو معیاری زندگی بہتر بنانے اور انہیں ریلیف فراہم کرنے کے لیے کوشاں ہے۔
انہوں نے کہا کہ بلوچستان اور خیبر پختونخوا میں دہشت گردی کے خاتمے کے لیے پاک فوج اور دیگر سیکیورٹی ادارے کوشاں ہیں، جبکہ ترقی کے منصوبے بھی جاری ہیں، پورے پاکستانی قوم پاک فوج کے شانہ بشانہ کھڑی ہے۔
انہوں نے کہا کہ وزیراعظم شہباز شریف کی قیادت میں وفاقی حکومت عوامی خدمت، ترقی اور فلاح و بہبود کا ایجنڈا لے کر چل رہی ہے۔ اہم حکومتی منصوبوں کے تحت عوام کو بہتر سہولیات کی فراہمی کے لیے اقدامات کیے جا رہے ہیں۔
چوہدری نعیم کریم نے کہا کہ عوام کو سستا، شفاف اور معمول کی زندگی گزارنے کے مواقع فراہم کرنا حکومت کی اولین ذمہ داری ہے، اس لیے ہر سطح پر عوامی فلاح و بہبود اور امن کے قیام کے لیے اقدامات اٹھائے جا رہے ہیں۔
بے سہارا، غریب، بیوہ، یتیموں اور ناداروں کی فلاح و بہبود، سماجی منصوبوں اور بنیادی سہولیات کی فراہمی کو یقینی بنانا حکومت کی اولین ترجیح ہے۔