ڈویژنل ڈائریکٹر اسکولز عبدالواسیع خان کاکڑ کا مڈل اسکول کھچ عمقزئی کا دورہ

لورالائی(میاں محمدعامربشیر آرائیں )ڈویژنل ڈائریکٹر عبدالواسیع خان کاکڑ کا گورنمنٹ بوائز مڈل سکول کھچ عمقزئی کا دورہ لورالائی ڈویژن کے ڈویژنل ڈائریکٹر سکولز عبدالواسیع خان کاکڑ نے آج گورنمنٹ بوائز مڈل سکول کھچ عمقزئی کا دورہ کیا۔ دورے کے دوران ڈویژنل ڈائریکٹر نے سکول کے تعلیمی و انتظامی امور، طلبہ کی حاضری، تدریسی سرگرمیوں اور مجموعی تعلیمی ماحول کا جائزہ لیا۔ انہوں نے اساتذہ پر زور دیا کہ طلبہ کو معیاری تعلیم کی فراہمی کے ساتھ ساتھ ان کی اخلاقی تربیت اور کردار سازی پر بھی خصوصی توجہ دی جائے۔عبدالواسیع خان کاکڑ نے کہا کہ تعلیم ہر بچے کا بنیادی حق اور معاشرے کی ترقی کی بنیاد ہے۔ تعلیم سب کے لیے ضروری ہے، کیونکہ ایک تعلیم یافتہ نسل ہی ملک و قوم کو ترقی کی راہ پر گامزن کر سکتی ہے۔ سرکاری سکولوں میں بچوں کو بہتر تعلیمی ماحول فراہم کرنا ہم سب کی مشترکہ ذمہ داری ہے۔انہوں نے کہا تعلیمی معیار میں مزید بہتری، طلبہ کی حاضری اور اساتذہ کی ذمہ داریوں کو مؤثر بنانے کے عزم کا اظہار کیا۔دورے کے اختتام پر اس بات پر زور دیا گیا کہ لورالائی میں تعلیم کے فروغ، سکولوں کی بہتری اور بچوں کے روشن مستقبل کے لیے تمام ممکنہ اقدامات جاری رکھے جائیں گے۔ See less