گنداواہ: شہید مولوی محمد صادق ابڑو کی نمازِ جنازہ پیر محمد ایوب شاہ بخاری قبرستان میں ادا کر دی گئی، شہریوں اور معززین کی بڑی تعداد میں شرکت

گنداواہ(نامہ نگار) شہید مولوی محمد صادق ابڑو کی نمازِ جنازہ پیر محمد ایوب شاہ بخاری قبرستان میں ادا کی گئی، نمازِ جنازہ مولانا اشرف علی ابڑو نے پڑھائی۔ نمازِ جنازہ میں گنداواہ شہر کے معززین، معتبرین، قبائلی عمائدین اور شہریوں نے بڑی تعداد میں شرکت کی۔
اس موقع پر فضا سوگوار رہی اور شرکاء نے مرحوم کی مغفرت اور درجات کی بلندی کے لیے دعا کی۔ نمازِ جنازہ کی ادائیگی کے بعد شہید مولوی محمد صادق ابڑو کو آہوں اور سسکیوں کے ساتھ سپردِ خاک کر دیا گیا۔
شہید کی وفات پر اہلِ علاقہ نے گہرے دکھ اور افسوس کا اظہار کرتے ہوئے لواحقین سے دلی تعزیت کی اور کہا کہ دکھ کی اس گھڑی میں وہ غمزدہ خاندان کے ساتھ برابر کے شریک ہیں۔ انہوں نے دعا کی کہ اللہ تعالیٰ شہید کو جوارِ رحمت میں جگہ عطا فرمائے، ان کے درجات بلند کرے اور پسماندگان کو صبرِ جمیل عطا فرمائے۔ آمین۔