سابق آرمی چیف جنرل (ر) عبد الوحید کاکڑ انتقال کرگئے

سابق آرمی چیف جنرل (ر) عبد الوحید کاکڑ راولپنڈی میں انتقال کرگئے۔ ان کے انتقال پر فیلڈ مارشل عاصم منیر اور پاک فوج کے تمام رینکس نے گہرے دکھ اور افسوس کا اظہار کیا ہے۔

پاک فوج کی جانب سے جنرل (ر) عبد الوحید کاکڑ کی شاندار عسکری خدمات اور قیادت کو خراجِ تحسین پیش کیا گیا۔ ان کی قومی و عسکری خدمات کا اعتراف کرتے ہوئے مرحوم کے اہلخانہ سے تعزیت اور ہمدردی کا اظہار بھی کیا گیا۔

پاک فوج نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگوار خاندان کو صبر و ہمت دے۔