پشاور اسکول سانحہ انتہائی دلخراش ہے، مینا مجید بلوچ کا اظہارِ افسوس

کوئٹہ، 15 اکتوبر: صوبائی مشیر کھیل و امورِ نوجوانان محترمہ مینا مجید بلوچ نے پشاور کے علاقے دیر کالونی میں نجی اسکول کی چھت گرنے کے افسوسناک واقعے میں بچوں اور خاتون ٹیچر سمیت قیمتی جانوں کے ضیاع پر گہرے دکھ اور افسوس کا اظہار کیا ہے۔
اپنے بیان میں مینا مجید بلوچ نے کہا کہ معصوم بچوں کی جانوں کا ضیاع ایک انتہائی دلخراش سانحہ ہے، جس پر ہر دل غمزدہ ہے۔ انہوں نے جاں بحق بچوں اور اساتذہ کے اہلِ خانہ سے دلی تعزیت اور ہمدردی کا اظہار کرتے ہوئے کہا کہ وہ اس مشکل گھڑی میں سوگوار خاندانوں کے غم میں برابر کی شریک ہیں۔
صوبائی مشیر نے زخمی بچوں کو بہترین طبی سہولیات فراہم کرنے کی ضرورت پر زور دیتے ہوئے دعا کی کہ اللہ تعالیٰ جاں بحق افراد کو جوارِ رحمت میں جگہ عطا فرمائے، لواحقین کو صبرِ جمیل دے اور زخمیوں کو جلد صحت یابی نصیب فرمائے۔ آمین۔